ပဲလေ့စ် ဒါရိုက်တာကို ချဉ်းကပ်ခြင်း၊ နည်းပြ ပစ်မှတ်များ၊ လီဗာပူးနဲ့ အပြိုင်လိုက်နေတဲ့ ဂူဟီနဲ့ နောက်ဆုံးရ မန်ယူ သတင်းများ စုစည်းမှု
တန်ဟက်ကို ထုတ်ပယ်ပြီးရင် ယူနိုက်တက် ပြန်ခန့်ဖို့ လျာထားတဲ့ နည်းပြစာရင်းတွင် အင်္ဂလန်နည်းပြ ဂါရတ်ဆောက်ဂိတ်၊ ဘရိုက်တန်နည်းပြရောဘတ်တို ဒီဇာဘီနှင့် ဘရန့်ဖို့ဒ်နည်းပြ သောမတ်စ်ဖရန့်တို့ ပါဝင်နေပါတယ်။
မန်ယူအသင်းနည်းပြဟောင်း ဆိုးရှားကတော့ စီ ရော်နယ်ဒိုကို ခေါ်ယူခဲ့တဲ့ အသင်းလုပ်ရပ်ကို မကန့်ကွက်ခဲ့ပေမယ့် ရော်နယ်ဒိုနဲ့ အလုပ်မဖြစ်ခဲ့ကြောင်း ထုတ်ဖော်ပြောဆိုသွားခဲ့ပါတယ်။
မန်ယူအသင်းနဲ့ လီဗာပူး အသင်းဟာ ပဲလေ့စ် အသင်းကြယ်ပွင့် ကစားသမား မာ့စ် ဂူဟီကို ခေါ်ယူဖို့ ချိတ်ဆက်နေကြောင်း သတင်းရရှိပါတယ်။
မန်ယူအသင်းဟာ မြို့ခံပြိုင်ဘက် မန်စီးတီးမှာ ခြေစွမ်းပြနေတဲ့ ဟာလန်းကို အရင်ကတည်းက ခေါ်ယူခွင့်ရခဲ့ပေမယ့် နှစ်ကြိမ်တိုင် အသင်းဘက်က ငြင်းဆန်ခဲ့ကြောင်း နည်းပြဟောင်း ဆိုးရှားက ဖွင့်ဟပြောဆိုသွားခဲ့ပါတယ်။
ပဲလေ့ အားကစားဒါရိုက်တာ ဒူဂီ ဖရိဒ်မန်းကို မန်ချက်စတာယူနိုက်တက်က ကစားသမားသစ်စုဆောင်းရေး အကြီးအကဲအဖြစ် ခန့်အပ်ဖို့အတွက် တရားဝင် ချဉ်းကပ်မှုတွေ ပြုလုပ်သွားဖို့ ပြင်ဆင်နေတယ်လို့ သိရပါတယ်။
ဖရိဒ်မန်းဟာ ၂၀၁၇ ခုနှစ်မှာ ခရစ္စတယ် ပဲလေ့စ်ကို အားကစားဒါရိုက်တာအဖြစ် ပြန်မလာခင် ပဲလေ့စ်နည်းပြအဖြစ် အောင်မြင်တဲ့ကာလတွေကို ပိုင်ဆိုင်ခဲ့သူဖြစ်ပြီး ဆာဂျင်မ် ရက်ကလစ်ဖ်ရဲ့ အသစ်ပြန်လည်ဖွဲ့စည်းနေတဲ့ အသင်းတည်ဆောက်ပုံမှာ အလုပ်လုပ်နိုင်မယ့် ပြီးပြည့်စုံတဲ့သူလို့ သတ်မှတ်ခြင်းခံခဲ့ရတာပါ။