ရှုံးပေမယ့် ယူနိုက်တက်က အာဆင်နယ်ထက် ပိုကောင်းတဲ့ အသင်း ဆိုတာ ပြသနိုင်လို့ အမိုရင် ဂုဏ်ယူစကားဆို
မန်ချက်စတာ ယူနိုက်တက်ဟာ မနေ့ညက အိုးထရက်ဖို့ဒ်မှာ အာဆင်နယ် အသင်းကို လိဂ် အဖွင့်ပွဲ အဖြစ် ဧည့်ခံ ကစားခဲ့ရာ ၁-ဝ နဲ့ ရှုံးနိမ့်သွားခဲ့ပါတယ်။
လိုအပ်ချက်တွေ ရှိနေဆဲ ဖြစ်ပေမယ့် ပြီးခဲ့တဲ့ ရာသီကထက်ရော ပြိုင်ဘက် အာဆင်နယ်ထက် ပါ ပိုမို ကောင်းမွန်တဲ့ ခြေစွမ်းမျိုး ယူနိုက်တက်က ပြသနိုင်ခဲ့ပါတယ်။ ဒီအတွက်လည်း ဂုဏ်ယူကြောင်း နည်းပြ အမိုရင်က ပွဲ အပြီးမှာ ဆိုပါတယ်။
“ဒီနေ့ရလဒ်ကို လက်ခံဖို့က တကယ်ကို ခက်ခဲပါတယ်။ ဘာလို့လဲဆိုတော့ ကျွန်တော်တို့က ပိုကောင်းတဲ့အသင်း ဆိုတာကို ပြသနိုင်ခဲ့လို့ပါ။
ပေးလိုက်ရတာက ထူးဆန်းတဲ့ဂိုးပါ။ ဒါပေမယ့် အဲဒီနောက်ပိုင်း ကျွန်တော်တို့ ဂိုးသွင်းနိုင်ဖို့ အရာအားလုံး ကြိုးစားခဲ့တယ်။ အနာဂတ်မှာ ကွဲပြားခြားနားတာတွေ လုပ်နိုင်စေမယ့် သေးငယ်တဲ့အရာလေးတွေ ကျွန်တော်တို့မှာရှိခဲ့တယ်။
ခံစစ်က မတူညီတဲ့အသင်းလို့ ခံစားခဲ့ရပြီး ဒါက ကောင်းတဲ့အရာပါ။ ဒါပေမယ့် ကျွန်တော်တို့ နိုင်ပွဲတွေရဖို့ လိုအပ်ပါတယ်။
ကစားသမားတွေအတွက် ကျွန်တော် ဂုဏ်ယူမိတယ်။ ကစားသမားတွေက အသားကျဖို့လိုတယ်လို့ ကျွန်တော် အကြိမ်ပေါင်းများစွာ ပြောခဲ့တယ်။
ပြင်းထန်မှုနဲ့ သူတို့တွေ ပြေးလွှားခဲ့တဲ့ပုံစံက အရမ်းကောင်းခဲ့တယ်။ တစ်ဦးချင်းတိုက်ပွဲတိုင်းအတွက် သူတို့တိုက်ပွဲဝင်ခဲ့တယ်။
ပြီးတော့ သူတို့တွေက တစ်ယောက်ချင်း ရင်ဆိုင်ကစားခဲ့တဲ့အခါမှာ အရမ်းရဲရင့်ခဲ့တယ်။ ကျွန်တော် အဲဒါနဲ့ပတ်သက်ပြီး ပျော်ရွှင်မိပါတယ်။” လို့ အမိုရင်က ပြောဆိုခဲ့တာ ဖြစ်ပါတယ်။