အဲဗာတန် နဲ့ ပွဲမတိုင်ခင် မန်ချက်စတာ ယူနိုက်တက် အသင်းအား နည်းပြ အမိုရင် သတိပေးစကား ဆို
မန်ချက်စတာ ယူနိုက်တက် အသင်းနည်းပြ အမိုရင်ကတော့ ယခုတစ်ခေါက် အဲဗာတန်နဲ့ ပွဲမတိုင်ခင် အသင်းမှာ လိုအပ်နေဆဲ ဖြစ်တဲ့အရာတွေကို ထောက်ပြ သတိပေးသွားခဲ့ပါတယ်။
ယူနိုက်တက် နည်းပြဘဝ တစ်နှစ်ပြည့်လာနေပြီ ဖြစ်တဲ့ အမိုရင်ဟာ အသင်းကို ပရီးမီးယားလိဂ် စုစုပေါင်း ၃၈ ပွဲ ကိုင်တွယ်ထားပြီး အဆိုပါ ပွဲတွေအနက် ၁၂ ပွဲသာ နိုင်ပွဲ ရယူထားနိုင်ခဲ့ပါတယ်။
လက်တလော ခြေစွမ်း အနည်းငယ် ပြန်မှန်လာခဲ့ပြီးနောက် အသင်းရဲ့ တိုးတက်လာမှုတွေကို အမိုရင် ကျေနပ်အားရနေပေမယ့် ယခုထက် ပိုပြီး ပွဲကို ထိမ်းချုပ်နိုင်ဖို့ အသင်းသားတွေထံမှ တောင်းဆိုသွားခဲ့ပါတယ်။
အမိုရင်က “ ပြီးခဲ့တဲ့ပွဲတွေမှာ ကျွန်တော်တို့ ပိုကောင်းလာခဲ့တယ်ဆိုပေမယ့် အဲ့ဒါက ကျေနပ်နေစရာ မဟုတ်ပါဘူး၊ ပြီးခဲ့တဲ့ရာသီ ဘယ်လိုခံစားခဲ့ရသလဲဆိုတာကို မေ့မထားဖို့ လိုအပ်နေပါတယ်၊ ပွဲတိုင်းကို အရေးတကြီး သဘောထား ကစားဖို့ကြိုးစားနေရဉီးမှာပါ၊
ကျွန်တော်တို့ ပြိုင်ဘက်ကို စိုးမိုးပြီး ကစားနိုင်ခဲ့ကြသလို ဘောလုံးရသမြောက်အောင်လည်း ကစားပြနိုင်ခဲ့ကြပါတယ်။
ဒါပေမယ့် ပွဲကို ပိုပြီး ထိမ်းချုပ်နိုင်စွမ်း ရှိလာကြဖို့ လိုအပ်နေပါသေးတယ်၊ ဘောလုံးကို ပိုပြီး ကောင်းမွန်အောင် ကစားနိုင်ရပါလိမ့်မယ်၊ ကျွန်တော်တို့က ပြိုင်ဆိုင်မှု ပြင်းထန်တဲ့ အနေအထားမျိုး ရောက်လာအောင် ဆက်လုပ်နေရပါလိမ့်မယ် ” ဆိုပြီး ပြောဆိုသွားခဲ့ပါတယ်။
မန်ယူနည်းပြဟောင်း ဖြစ်ခဲ့ဖူးတဲ့ လက်ရှိ အဲဗာတန် နည်းပြ မိုရက်စ်ကလည်း အမိုရင်ရဲ့ လက်ရှိ အသင်းကို ချီးကျူးမှုတွေ ပြုလုပ်သွားခဲ့ပြီး မိုရက်စ်ရဲ့ အဲဗာတန်ဟာ အသင်းကြီးတွေဖြစ်တဲ့ မန်စီးတီး၊ စပါးတို့ကို ရှုံးခဲ့ပေမယ့် ကစားရခက်တဲ့ ဆန်းဒါးလန်း ကို သရေ ၊ ဖူဟမ်ကိုတော့ ၂ ဂိုးပြတ် အနိုင်ရယူထားနိုင်ခဲ့ပါတယ်။