သူ့ကို ဂန္တဝင်ကြီး စတီဗင်ဂျရတ်နဲ့ မနှိုင်းကြဖို့ တောင်းဆိုလိုက်တဲ့ ဂျု့ဒ် ဘယ်လင်ဟမ်
အင်္ဂလန်အသင်းနဲ့ အတူ တောက်ပနေတဲ့ ဂျုဒ် ဘယ်လင်ဟမ်ကတော့ သူ့ကို စတီဗင် ဂျရတ်နဲ့ နှိုင်းယှဉ်မှုတွေ ပြုလုပ်နေကြတာဟာ လီဗာပူးလ်ဂန္တဝင်အပေါ် မလေးမစား ပြုမူနေတာဖြစ်တယ်လို့ ပြောကြားခဲ့ပါတယ်။
အသက် ၁၉ နှစ်အရွယ် ကွင်းလယ်ကစားသမားဟာ တနင်္လာနေ့က ဒိုဟာမှာ အီရန်ကို အင်္ဂလန်က ၆-၂ နဲ့ အနိုင်ရရှိခဲ့တဲ့ပွဲစဉ်မှာ ကမ္ဘာ့ဖလားပွဲဦးထွက် ပါဝင်ကစားပေးရင်း ဂိုးပါသွင်းကာ ခြေစွမ်းပြခဲ့တာ ဖြစ်ပါတယ်။
အင်္ဂလန်အသင်းအတွက် သူရဲကောင်းက ဘယ်သူလဲလို့ မေးမြန်းခဲ့ရာမှာ ဘယ်လင်ဟမ်က ချက်ချင်းပဲ ခုလို ဖြေကြားခဲ့တာပါ။
”ဂျရတ်က ကျွန်တော့်ရဲ့ အကြီးမားဆုံး သူရဲကောင်းတွေထဲက တစ်ဦးဖြစ်ကောင်းဖြစ်ပါလိမ့်မယ်။ ဘောလုံးအပြင် သူ့မှာရှိနေတဲ့ စရိုက်လက္ခဏာက ကမ္ဘာ့အဆင့်ပဲ။ ပြီးတော့ ခင်ဗျား သိမှာပါ။ သူ့ရဲ့ အရည်အချင်းတွေကိုပါ ထပ်ပေါင်းလိုက်ပြီး အဲဒါက တကယ်ကို ဟာသပါ”လို့ ပြောကြားခဲ့ပါတယ်။
ဂျရတ်နဲ့ ၎င်းရဲ့ကြားထဲက နှိုင်းယှဉ်မှုတွေကို ဆွေးနွေးခဲ့ချိန်မှာ ဘာမင်ဟမ်ကြယ်ပွင့်ဟောင်းက “ခင်ဗျားရဲ့ သူရဲကောင်းက ခင်ဗျားလုပ်ခဲ့တာတွေကို အသိအမှတ်ပြုချီးကျူးဖို့ အချိန်ပေးခဲ့တဲ့အချိန်မှာ အဲဒါက တကယ်ကို ထူးခြားပါတယ်”
“ကျွန်တော် ဘယ်လို ခံစားရလဲဆိုတာ မသေချာပါဘူး။ ဘာလို့လဲဆိုတော့ အဲဒါက တကယ်တော့ သူ့ကို နည်းနည်း လေးစားမှုမရှိသလိုနီးပါးဖြစ်နေလို့ပါ။ သူ့ရဲ့ ပွဲစဉ်အတွင်းမှာ သူရရှိခဲ့တဲ့ အောင်မြင်မှုတွေအားလုံးနဲ့ ကျွန်တော်တို့ ၃ နှစ် တူညီမှုတွေ ရှိခဲ့ပြီးနောက်မှ အဲဒါကို ပြောရမှာပါ။
ကျွန်တော်က ဂျုဒ်ပဲ ဖြစ်ချင်တယ်လို့ ထင်ပြီး ကိုယ့် လမ်းကြောင်းအတိုင်းပဲ ကိုယ်သွားချင်ပါတယ်။ သူလုပ်ခဲ့တာတွေက အံ့အားသင့်စရာကောင်းပြီး ကျွန်တော် သူ လုပ်ခဲ့တာတွေ နီးနီးလောက် လုပ်နိုင်ခဲ့ရင်တောင် ကျွန်တော် ကောင်းကောင်း လုပ်နိုင်ခဲ့တာဖြစ်ပါလိမ့်မယ်”လို့ ပြောကြားခဲ့တာဖြစ်ပါတယ်။
ဒေါ့မွန်ကြယ်ပွင့် ဘယ်လင်ဟမ်ဟာ ဟာ ကမ္ဘာပေါ်မှာ အသင်းအများအပြားရဲ့ အလိုအရှိဆုံးကစားသမားတွေထဲက တစ်ဦးဖြစ်ပြီး ရီးရဲလ်မက်ဒရစ်၊ မန်ချက်စတာစီးတီး၊ မန်ချက်စတာယူနိုက်တက်၊ ချဲလ်ဆီးတို့နဲ့ ပြီးခဲ့တဲ့လတွေမှာ သတင်းတွေထွက်ပေါ် နေခဲ့တာဖြစ်ပါတယ်။