မန်ယူနိုက်တက် Vs အာဆင်နယ် EPL အဖွင့်ပွဲ အတွက် ပေါမာဆန်ရဲ့ သုံးသပ်ခန့်မှန်းချက်
ဘောလုံးပွဲတွေ သုံးသပ်နေကြ ဝါရင့်ကြီး ဖြစ်တဲ့ ဂန်းနားဟောင်းကြီး ပေါမာဆန်က မန်ယူနိုက်တက်-အာဆင်နယ် တို့ EPL အဖွင့်ပွဲ အတွက် ကြိုတင် သုံးသပ် ခန့်မှန်းမှု ပြုလုပ်လာပြီ ဖြစ်ပါတယ်။
ပွဲချိန်။ ။ သြဂုတ်လ ၁၇ ရက် (တနင်္ဂနွေနေ့)၊ ည ၁ဝ နာရီ
ပေါမာဆန် ခန့်မှန်းချက်
ဒီပွဲက အာဆင်နယ် အတွက် မဖြစ်မနေ အနိုင်ကစားရမယ့်ပွဲဆိုတာ ရှင်းပါတယ်။ သူတို့သာ တနင်္ဂနွေနေ့မှာ မန်ယူနိုက်တက်ကို အနိုင်မကစားနိုင်ရင် လီဗာပူးနဲ့ မန်စီးတီးတို့ကို အနိုင်ယူဖို့ မျှော်လင့်လို့မရနိုင်တော့ဘူး။
အာဆင်နယ်သာ ဒီအပတ် သရေကျပြီး လီဗာပူးက နိုင်သွားရင် ပွဲစဉ် ၃ အန်းဖီးမှာ ကြိုးကြာနီတွေက သူတို့ကို အနိုင်ယူနိုင်ခဲ့ရင် ၅ မှတ်ပြတ်သွားဦးမှာပါ။ ဒါက ခင်ဗျားသာ အာဆင်နယ်ဖြစ်နေရင် ကြီးမားတဲ့ပြဿနာဖြစ်နေဦးမှာပါ။
အဲဒီတော့ အာဆင်နယ်က မန်ယူနိုက်တက်ကို ဘာကြောင့် အနိုင်ကစားသင့်တာလဲဆိုတာ ကျွန်တော် ဒီထက်ပိုပြီး မပြောချင်တော့ဘူး။ အနိုင်မယူနိုင်ရင်တော့ သူတို့အတွက် အစကတည်းက အိပ်မက်ဆိုးဖြစ်လာပါလိမ့်မယ်။
အာဆင်နယ်က သူတို့ရဲ့ အဓိကကစားသမားတွေအားလုံး ကြံ့ခိုင်နေအောင် ထိန်းသိမ်းထားနိုင်ရင် ဖလားရနိုင်မယ်လို့ ထင်ပါတယ်။ ယော်ကရက်စ်၊ ဆာကာနဲ့ အော်ဒီဂွါဒ်တို့အားလုံး ၃၅ ပွဲအထိ ကစားပေးတာတောင် အာဆင်နယ် ပရီးမီးယားလိဂ်ဖလားမရဘူးဆိုရင် ကျွန်တော် အံ့ဩမိမှာပါ။
အဲဒီလိုသာ သူတို့ကစားနိုင်ရင် အာဆင်နယ်က ကြီးမားတဲ့ ရေပန်းစားသူဖြစ်လာမှာပါ။ ဒီအပတ်အပြီးမှာ ၃၇ ပွဲကစားဖို့ရှိသေးတယ် ဆိုတာကို အာတီတာနဲ့ ဂန်းနားတွေ မေ့ထားရမှာပါ။ ဒါက ဒီလိဂ်မှာရှိတဲ့လူအချို့အတွက် ပြဿနာဖြစ်ပြီး ခင်ဗျားအနေနဲ့ ရာသီသစ်ကို နောက်ပွဲတွေကျမှ အမှတ်ယူမယ်ဆိုတဲ့ စိတ်ဓာတ်နဲ့ စတင်လို့မရပါဘူး။
ဒီတပတ် ပွဲမှာတော့ အာဆင်နယ်က မန်ယူနိုက်တက်ကို ၂-၁ နဲ့ အနိုင်ရသွားပါလိမ့်မယ်။